كود – مكتب الرباط//

البارح الخميس كيف كانت كشفات “كود”، ولي العهد الأمير مولاي الحسن مشا فطر عند واحد العائلة فدار بوعزة ضواحي مدينة الدار البيضاء. مصدر “كود” كان قال أن العائلة اللي مشا فطر عندها الأمير هي عائلة بنسودة.

مصدر موثوق اكد لـ”كود” على أن عائلة اللي مشا فطر عندها الأمير الحسن هي من عائلة والدته الأمير لالة سلمى، وكشف المصدر أن عائلة بنسودة معروفة بزاف ففاس والأميرة سلمى كتقولهوم خوالي.

ماشي غير هادشي الأميرة لالة سلمى كانت عايشة مع خالها بنسودة اللّي مات سنة 2015 فالمستشفى الجامعي بفاس وكانت الأميرة تعتبره كوالد لها. شحال من عام وهي عايشة عندو. الراحل كان قيد حياته مديرا جهويا للفلاحة بجهة فاس .