كود طنجة//

علمت “كود” من مصادر مطلعة أن سعد الدين العثماني، رئيس الحكومة والأمين العام لحزب “العدالة والتنمية”، طار صباح يوم السبت 17 غشت الجاري لطنجة، طبعا غايدير لقاء مع ناس د الحزب، ولكن لي خبا عليهم هي الخطبة لي داير لولدو نجم الدين العثماني، مع عفراء التتاري، ابنة عائلة سورية معروفة، خدات الجنسية المغربية.

الخطبة لي مفراس تا شي مسؤول ف حزب العدالة والتنمية، دارها العثماني لي هو فقيه المآلات بلا خبار حتى شي حد من ناس الحزب.

العثماني تناسب اليوم مع عائلة سورية معروفة، هاد العائلة خدات جنسية مغربية ودبا ساكنة ف البرانس 2.
كما أن العثماني أخبر مسؤولي البيجيدي ف طنجة بأنه باغي يدير معه لقاء، بعدما جا لها المدينة مع مرتو واستقر بأحد الفنادق.

حسب مصادر “كود” فإن نجم الدين العثماني كان تعرف على عفراء ف تركيا فاش كان كيقرا فيها، ومن تما وهوما بزوج، تا مشا خطبها اليوم.

وعلمت “كود” أن عبد الاله بنكيران، الأمين لحزب العدالة والتنمية، مفراسو ميتعاود، ولا كيخبيو عليهم تا بحال هاد الخبار ديال الزواج.

وحسب مصدر داخل حزب العدالة والتنمية، فإن “ولات ظاهرة علاقات المصاهرة داخل البيجيدي كشتكل خطر على مستقبل الحزب لي ولات فيه المصاهرة محدد ف تولي المسؤوليات”.