كود مدريد ///

ملكة اسبانيا ليتيسيا زارت اليوم الاربعاء 22 يناير 2020 الرواق المغربي في معرض السياحة الدولي 40 المنظم بمدريد. جات مع رئيسة مجلس النواب وعمدة مدريد ومسؤولين بالقطاع فهاد البلاد. الملكة فالاروقة الاخرى غير دازت فالمغرب طولات.

كان فاستقبالها كل من سفيرة المغرب في مدريد كريمة بنعيش وعادل بلفقير المدير العام للمكتب الوطني للسياحة ….. غياب وزيرة السياحة والنقل نادية فتاح بسباب التزامها بشي نشاط ملكي ما اثرش على الافتتاح.

الملكة طولات فالهدرة مع السفيرة بنعيش. طبعا هي عندها علاقة معاها والدولة الاسبانية عارفاها بنت دار المخزن٬ هاد الشي علاش٬ كيف عاينات “كود”٬ سولات الملكة على المغرب وسولات وسولات على الملك محمد السادس وعلي صحتو وعلى العائلة الملكية كلها. هدرات علي المعرض وكيفاش يقدر يعاون لبلاد.