كود هناء ابو علي ///
علمت “كود” ان رجل الاعمال وتجمعي مدينة المحمدية ورئيس نادي شبابها هشام ايت منة عرض البارح للفطور على عبد اللطيف وهبي امين عام حزب الاصالة والمعاصرة وسعيد الناصري برلماني نفس الحزب ورئيس الوداد البيضاوي.
وفق مصدر “كود” فالناصري اعتذر بسباب مشاغل. هاد الشي طبعا غير باش يقول ليه ما باغيش نجي٬ ومن بعد حتى وهبي دار بناقص.
الناصري كان هو اللي عرف ايت منة بوهبي.
دابا اللي ما مفهموش فهاد الفيلم. هو ان وهبي قبل ايام هاجم حزب الاحرار بسباب گفة رمضان وتبعوه احزاب اخرى. اي هاجم حزب ايت منة. دابا شكون كلفو بهاد الشي. ولا دارها غير باش يصالح الناصري بوهبي بلا ما يفهم تداعيات دعوة بحال هادي.
فيلم فشي شكل وصافي
