الرئيسية > آش واقع > سفيرة المغرب فمدريد: كنقدمو مساعدات للمغاربة هنا وكنحيي وعي مغاربة اسبانيا
31/03/2020 15:08 آش واقع

سفيرة المغرب فمدريد: كنقدمو مساعدات للمغاربة هنا وكنحيي وعي مغاربة اسبانيا

سفيرة المغرب فمدريد: كنقدمو مساعدات للمغاربة هنا وكنحيي وعي مغاربة اسبانيا

كود كازا ///

سفيرة المغرب فاسبانيا كريمة بنيعيش قالت باللي خلية الازمة اللي دارت فاسبانيا بين السفارة والقنصليات كتواصل لمواكبة الجالية المغربية”

كاينين فاسبانيا حتى مغاربة سياح حصلو هنا. “كود” كانت كشفات فوقت سابق ان عدد هادو اللي حاصلين فحدود 400 شخص وباللي كاين اللي خصلو عليه لكرا وكاين اللي كيساعدوه القناصلة علي حساب الامكانيات. 

بنيعيش قالت باللي هاد المواكبة فيها “تقديم المساعدات الضرورية لها لمواجهة هذه المحنة التي تجتازها الإنسانية جمعاء بروح التضامن والتآزر”.  

السفيرة اشادت  في تصريح صحافي بما سمته “الوعي الذي أبان عنه أفراد الجالية المغربية في التعاطي مع الأزمة من حيث احترام التعليمات والإرشادات الصادرة عن السلطات الإسبانية، وكذا في الاتصال الدائم بالسفارة للتأكد من صحة الأخبار المتداولة في أوساط الجالية عن الوباء أو طلبا للمساعدة الاجتماعية في بعض الحالات”.

بنيعيش قالت باللي المصدر الرسمي الوحيد للوضع دابا وعندو علاقة بالجالية المغربية و”كورونا فيروس”  هو السفارة منتقدة “استمرار انتشار أرقام ومعطيات مغلوطة لا تعتمد أي مصدر موثوق وغرضها التضخيم والتضليل”

السفيرة فهاد العبارة كترد على موقع “اندلس برس” اللي هدر البارح على باللي كاين كثر من مائة مغربي ماتو فاسبانيا وباللي الجثث كتجمد فغياب السفارة.

العدد ما هدراتش عليه السفيرة. هدرات على ارقام مغلوطة. فوضع غير مسبوق فاسبانيا اللي وصلو عدد الاصابات حتى الان اكثر من 94 الف شخص ووصلو عدد الوفيات 8189 ما باينش باللي السفارة لحد الان كتوفر علي العدد الحقيقي اللي مات ومن اصل مغربي.
اسبانيا ما كتعلنش علي جنسية الضحايا فبلادها وممكن يكونو اسبان من اصول مغربية. هادي تزيد تعقد. دابا هاد الاحصائيات ممكن يبانو بعد ما تفوت فترة ذروة الفيروس

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:30

وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو