كود كازا ///

علمت “كود” ان كريمة بنيعيش٬ سفيرة المغرب فمدريد٬ بدات خدمتها فاول هاد السيمانا. حسب مصدر “كود” فان السفيرة اللي ما دخلتش للمغرب هادي عام كانت فعطلة سنوية ديالها.

فقضية تعطالها فالمغرب تقول مصادر “كود”٬ ما عندها علاقة باستدعاءها من قبل الخارجية الاسبانية على ضوء تصريحات رئيس الحكومة حول مدينتي سبتة ومليلية المحتلتين. كذلك ما عندهاش علاقة بشي ازمة محتملة بين المملكتين. المسؤولون الاسبان كيقولو باللي العلاقات مزيانة بل واستراتيجية.

كما استبعد ديبلوماسي مغربي في وزارة الخارجية ل”كود” ان تكون علاقة وزير الخارجية ناصر بوريطة بالسفيرة فشي شكل. حقاش عندهم علاقة مزيانة وكيتعارفو سنوات هادي. المصدر نفسو قال “كود” “واش تغيير سفير المغرب فواشنطن او باريس او مدريد.،، وعواصم دول اخرى ماشي بيد وزير الخارجية والتعاون. راه واخا يبغي ما يقدرش.