تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش
نجوى المالحي-كود//
كيحاول المغني سعد لمجرد يستغل أي فرصة كيفما بغات تكون باش يلمع صورتو لي واكلة الدق ولي مدكَدكَة بقضايا الاعتداءات الجنسية (ويمكن حتى تهمة الاغتصاب) لي متابع فيها في فرانسا ولي القضاء مازال مقالش فيها كلمتو الأخيرة.
هاد التأجيل ديال أغنيتو الجديدة لي كل مرة لمجرد كيكشف عليه وكل سيمانة كيزيد يعطل اصدارها مبني على جوج حوايج لا ثالث بينهما.
الأول عنصر التشويق باش يخلي الناس مركزة معاه ومع الجديد، باش كيحقق ارقام قياسية في المشاهدات على يوتوب، والثاني هو يبين الانسانية ديالو ويمحي صورة المغتصب لي مازال لاصقة فيه هادي دابا كثر من 4 سنين.
لمجرد كيلعب على العواطف، وكيحاول يجيب عندو جمهور جديد، جمهور ديال الفنانين لي ماتو. بحال التضامن والحداد لي علن على الممثلة الكبيرة رجاء الجداوي لي عندها شهرة واسعة في العالم العربي، ولا على الممثل المغربي الشناوي لي مات مؤخرا.