كود كازا//

تواصل أغنية “بدك ايه” للفنان المغربي سعد لمجرد تحطيم الأرقام القياسية في وقت قصير. وضربات لحد الآن 6 مليون مشاهدة في 24 ساعة.

لمجرد تفاعل مع بزاف ديال الفنانين لي باركو ليه الأغنية الجديدة غير بإيموتيكون ديال التصفيقات والقلوبة، وكيتفادا يكتب أي تعليق.

صمت الفنان بررو مصدر مقرب من عائلتو لموقع “كود” على أنه تطبيق لتعليمات المحامي ديالو، لي دوا معاه باش يجمع جنابو حتى يتم البث في القضية لي متهم فيها، ويجيب البراءة.

ولد البشير عبدو ونزهة الركراكي مابغاش يطيح في نفس الخطأ لي دار المرة الاولى ملي خرج من الحبس، وخرج كينقز في الزناقي ويشطح.

دابا متبع التعليمات حرفيا حتى يتسد الملف بمرة واما يخرج براءة او يدخل سنين للحبس.