أسماء غربي –كود///
سعد لمجرد غادي يبدا يتواصل غير بالدارجة. المطرب المغربي، في أول ظهور له بعد اتهامه في قضية اغتصاب ثانية في فرنسا، قال لمتابعيه “لا باس عليكم، كلشي بخير؟ بغيت نهضر مع جمهوري حول العالم، ولكن غادي نهضر بالدارجة حيت هاد اللهجة خاصكم تبداو تفهموها من هنا القدام…توحشتكم”.
ظهور سعد لمجرد جاء عبر فيديو نشره على صفحته الرسمية في موقع التواصل الاجتماعي “انستگرام”، واللي أكد فيه أيضا أنه ابتعد عن التواصل افتراضيا مع محبيه حيت مشغول في الاستديو لتحضير عمل جديد كيليق بمستوى جمهوره وينال إعجابهم.
