نجوى المالحي-كود//
سعد لمجرد بقا ساكت سيمانة هادي من نهار بدات الحملة ضدو في تويتر من السواعدة لي خرجو هاشتاكَ “#نرفض سعد لمجرد في السعودية”، ودار البارح بوسط عامر حشيان الهضرة.
لمجرد كتب على تصويرتو وهو ضاحك وفرحان “ضحك.. حيت يا إما غادي تعجبهم يا إنا غادي تفقصهم وفي جميع الحالات راك رابح”.
وغادي يدير لمجرد أول حفل ديالو في السعودية بعدما سمحات ليه فرنسا باش يغني فوق الخشبة من بعد 3 سنين ديال المنع بعد قضايا الاعتداء الجنسي، لي مازالين قدام القضاء.
السعوديين فتويتر دارو هاشتاكَ ضدو ووصفوه ب”المغتصب المقزز”، ولكن هو متشبث ومبغاش يلغي الحفل المقرر 18 دجنبر.
