نجوى المالحي – كود //

الممثلة سحر الصديقي وزميلتها نرجس الحلاق قلبوها مسابقات ف الكونط ديالهم و”كَيڤ-أواي Giveaway” كيشدو فيهم فلوس صحيحة.

هاد المسابقات ديال زيادة عدد المتتبعين في انستكَرام كيحطو فيها المشاركين 500 درهم للواحد، وهوما في الطوطال 160 يعني 8 مليون،  كيخرجو منها ألفين درهم فلوس كل فائز 500 درهم وتلفون ب 3000 آلاف درهم وسلسلة بشي ألف درهم وما تبقى كيديروه في جيوبهم.

السؤال هو هاد الفلوس لي كيدخلوها واش كيخلصو عليها شي ضريبة ولا لا، واش كيتم التصريح بها ولا ولا، حيت الصديقي مثلا كدير 5 مسابقات في العام يعني هادي  40 مليون ماشي الضحك.

ضروري من تقنين هادشي، يقدر يدخل للدولة الفلوس كثر من القنب الهندي…