وكالات //

قصة مأساوية ديال بصح وقعات بعدما هاجم تمساح فيه أكثر من 3 ميرو ونص، توريست وسط حديقة “Amaya View – Theme park” في مدينة “كاكَايان دو أورو” (Cagayan de Oro) الفلبينية.

اللي وقع أن التوريست، اللي عندو 68 عام وسمتو “Nehemias Chipada”، هو أنه فاللول سحابلو التمساح ديال الپلاستيك، اللي كان وسط حوض ديال الما، وطلع باش يتصور معاه سيلفي، وهو يزرب عليه الكروكوديل وشدو من دراعو وجرو عندو.

الراجل تهرس من يدو ليسرى و ولى كلو دمايات وقدر من بعد أنه يهرب من التمساح، وهزوه للصبيطار يتعالج ومنها خيط ذراعو وفخضو، وبدا كيصح بيخير.

التوريست كان جا يزور الحديقة بمناسبة احتفالو بعيد ميلادو نهار 10 نونبر الفايت، وفعلا خلاها متورخة وخا بطريقة خايبة ومؤلمة.