عمر المزين – كود //
في سابقة أولى من نوعها، نجحو جراحون فالميركان فزراعة قلب خنزير معدل وراثيا في جسد مريض بشري، هادشي كشفت عنه “جامعة ميريلاند” البارح الاثنين.
كلية الطب فهاد الجامعة الأمريكية قالت فبلاغ ليها إن هاد العملية الجراحية اللي تدارت الجمعة الفايتة فصبيطار مدينة بالتيمور، بينات لأول مرة أن قلب حيوان يمكن أنه يعيش وبخدم عادي وسط جسم إنسان دون رفض فوري.
وكان هاد الشخص المريض، اللي سميتو “ديڤيد بينيت” (David Bennett) وعمرة 57 عام، قد اعتُبر غير مؤهل لعملية زرع قلب بشري، وكانت حياتو فخطر.
ويخضع المريض المقيم في ولاية ميريلاند لعناية طبية مركزة لتحديد كيفية أداء القلب المزروع.
ونهار الإثنين صرحو أطباء من المركز الطبي التابع لجامعة ميريلاند، بللي العملية دازت بيخير وعلى خير و أن حالة ديڤيد الصحية مزيانة.
