الرئيسية > آش واقع > زيارة بيني گانتس لبلادنا.. المغرب بغى يرسل ميساج قوي للجزائر وامريكا
25/11/2021 11:30 آش واقع

زيارة بيني گانتس لبلادنا.. المغرب بغى يرسل ميساج قوي للجزائر وامريكا

زيارة بيني گانتس لبلادنا.. المغرب بغى يرسل ميساج قوي للجزائر وامريكا

كود – عن اكسيوس//

هاد اليوماين وزير الامن الاسرائيلي بيني گانتس داير زيارة رسمية لبلادنا. البارح، مشى ترحم على الحسن الثاني ومحمد الخامس، وعقد اجتماع مغلق ف الرباط، مع نظيرو المغربي، عبد اللطيف لوديي لتوقيع مذكرة تفاهم أمنية، ومن بعد تلاقى بقائد الاركان المسلحة المغربية بلخير الفاروق، وبوزير الخارجية ناصر بوريطة وكبار المسؤولين الامنيين ف المغرب.

باراك رافيد، اللي هو صحافي متعاون مع بزاف ديال وسائل الإعلام، من بينها موقع “أكسيوس” المعروف عموما بدقة أخبارو ومعلوماتو، كتب مقال على هاد الزيارة التاريخية.

مسؤول اسرائيلي كبير صرح لرافيد ان المغرب بغى يعطي اهمية كبيرة لزيارة بيني گانتس باش يوجه رسالة للجزائر وامريكا. واضاف المسؤول الاسرائيلي الكبير: بهاد الزيارة زدنا قوينا اتفاقات ابراهام وبنينا جبهة وحدة ف المنطقة ضد إيران.

باراك رافيد، زاد اكد ان ادارة بايدن ماعوالاش تتراجع على قرار ترامب القاضي باعتراف الولايات المتحدة الأمريكية بمغربية الصحراء، وشار الى ان هادشي مسبب توتر متصاعد بين الرباط والجزائر والبوليساريو.

للتذكير بوريطة تلاقى البارح گانتس بعدما رجع من زيارة لواشنطن تلاقى خلالها نظيرو الامريكي أنتوني بلينكين. وقال المتحدث باسم وزارة الخارجية الأمريكية نيد برايس ف بيان خرج بعد اللقاء ان مريكان كتدعم المبادرة المغربية للحكم الذاتي كحل “جاد وعندو مصداقية وواقعي” للطي النهائي للنزاع الإقليمي حول الصحراء.

https://www.axios.com/israel-benny-gantz-morocco-sign-defense-deal-96538846-f53f-4da8-9fbd-ba3fd7581ac4.html 

 

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة