نجوى المالحي- كود//

من بعد الجدل لي أثارو موضوع التهئنات بالفلوس على مواقع التواصل الاجتماعي، خرج المنتج المغربي ريدوان باش يفسر السبب لي خلاه يلتجئ لهاد الطريقة.

رضوان قال في حوار مع زهرة الخليج ان الفكرة لي خلاتو يشارك في الموقع ماشي حاجتو لفلوس ولكن باش يقدر يحقق بعض الأمنيات ديال الناس لي كتبغي إهداءات خاصة من نجوم عزاز عليها، وهادشي ما كيعنيش شي حاجة خايبة.

الموقع لي سميتو “starzly” ولي شرف على الإطلاق ديالو ريدوان من الإمارات قال أن الأرباح ديالو غادي تتخصص لأعمال خيرية، في المقابل غادي يكون تقصير للمسافة بين الجمهور والمعجبين.

موضوع الموقع كان نوض جدل كبير خصوصا ان بزاف ديال الناس غادي يستغلوه باش يبينو علاقة القرب ديالهم بنجوم كبار، وهادشي لي دارت فاتي جمالي، لي طلبت تهنئة من ممثل إيطالي مشهور، وقال ليها فيها صوتك زوين بقاي كتغني.

View this post on Instagram

with @ossamaalfa @zahrat_khaleej about the Big launch of my new platform @starzly #AlwaysPositive #SpreadLove #Achalmalik #Starzly #starzlyofficial

A post shared by RedOne (@redone) on Jul 23, 2020 at 10:10am PDT

.