كود- عن Telegraaf//
روينة فهولاندا. خدامين فالخطوط الجوية الملكية الهولندية بانو ففيديو فرحانين ومحتافلين حيت طيارة ديال لارام قلعات من مطار بلادهم.. وغوتو: سيرو بحالكم سيرو تموتو
نايضة فهولندا بسباب فيديو عنصري ضد المغاربة، منتشر على “تويتر”، ديال عمال فالخطوط الجوية الملكية الهولندية KLM، كيعايرو فركاب طيارة تابعة ل”لارام” قلعات من مطار أمستردام، ويقولو ليهم: “مشية بلا رجعة”.
@KLM medewerkers op @Schiphol juichen dat kist met marokkanen oprotten naar marokko. “Lekker enkeltje oprotten”. Zie video! Wagelijk! #racisme #haat ben benieuwd naar het excuus voor dezr haat. pic.twitter.com/dj7Qi4OWc9
— Dr. Charifa Zemouri (@DrZemouri) July 7, 2021
ومن العبارات اللي تلفظو بيها الهولنديون ففيديو: “هاوا صندوق (أو قبر) عامر بالمغاربة غادي.. سيرو فحالكم.. هذي مشية بلا رجعة لكلشي.. سيرو فحالكم..”
وقالت الناطقة باسم KLM، الاربعاء، ان الفيديو مامعروفش فوقاش تصور.
وعبرات الشركة على الأسف ديالها على هذ الفيديو، واستنكرات الكلام اللي تقال فيها وقالت انه ماكيمثلهاش، كيف علنات فتحها تحقيق داخلي فالموضوع.
والفيديو منتشر بشكل كبير على مواقع التواصل الاجتماعي، الشي اللي جعل واحد الكونط يدخل، ويطلب الحذف ديالها، واللي كيبان تابع للشركة، بحيث قال مولاه لواحد ناشرها: “كنتمناو تسحبو الفيديو، وغادي نفتحو تحقيق على هذشي ونجعلو من أولويتنا”.
الفيديو والتفاصيل هنا:
