الرئيسية > ميديا وثقافة > رولينكَ ستونز غادي يحيدو أغنيتهم “براون شوكَر” من جولتهم فـ ميريكان
16/10/2021 03:00 ميديا وثقافة

رولينكَ ستونز غادي يحيدو أغنيتهم “براون شوكَر” من جولتهم فـ ميريكان

رولينكَ ستونز غادي يحيدو أغنيتهم “براون شوكَر” من جولتهم فـ ميريكان

وكالات //

قرر كَروب “رولينكَ ستونز” يحيد أغنيتهم الشهيرة “براون شوكَر” (Brown Sugar) من برنامج الجولة الميريكانية لأن شي منتقدين قالو أن الكلمات ديالها عنصرية واخا هي في الأصل كتنتاقد العبودية.

وقال الكَيتاريست “كيت ريتشاردز” في تصريح لجورنال “لوس أنجلوس تايمز” الصادر في كاليفورنيا “كنحاول مع باقي أعضاء الكَروب نفهمو فين كاين المشكل تحديدا. واش الناس مافاهمينش أن الأغنية كتدوي على فظائع العبودية؟ صراحة هاد ساعة ماعنديش الوقت ولا الكَانة باش نتناقش مع هاد الناس”.

“براون شوكَر” خرجها الكَروب في 1971 وولات وحدة من أشهر أغنيات “رولينكَ ستونز” على العبودية والجنس والمخدرات من خلال صور ديال عيالات تعرضو للضرب ورجال كيستغلوهم جنسيا.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه