عفراء علوي محمدي- كود//
روكور جديد حطمو المغرب فسنة 2021 فالإصابات والوفيات اليومية، بحيث غير اليوم الثلاثاء تقاسو بكورونا 3631 واحد، وماتو 20. هذ الارقام بلا شك طلعو، بسباب تراخي المواطنين فتطبيق الإجراءات الاحترازية، وعيد الكبير اللي مابقى ليه والو.
التلقيح:
وتلقحو اليوم 145461 بالجرعة الأولى، ووصلو فالمجموع 11555970، وخداو الجرعة الثانية 44566، ووصلو فالمجموع ل9736641.
الإصابات:
تقاسو اليوم 3631 واحد من أصل 25742 واحد دار التحليلة، ووصل عدد المصابين فالمجموع ل562416.
ومؤشر الإصابة التراكمي وصل ل1544,9 لكل 100 ألف نسمة، بمعدل 9,9 لكل 100 ألف نسمة فهذ 24 ساعة.
حالات الشفاء:
تشافاو اليوم 1585، ووصل الإجمالي ل534814، بنسبة تعافي ديال 95,1 فالمية.
الوفيات:
واليوم ماتو 20، ووصل هكذا عدد الوفيات ل9486، بنسبة فتك 1,7 فالمية.
الحالات النشيطة والحرجة:
وعدد الحالات النشيطة طلع ل18116، وعدد الحالات الحرجة وصل ل551، 86 تدهورات غير اليوم، و23 تحت التنفس الصناعي الاختراقي.
ووصلات نسبة ملء أسرة الإنعاش ل17,4 فالمية.