كود كازا//

علن محمد عبد الوهاب رفيقي، الباحث في الدراسات الإسلامية، اليوم الجمعة، إصابتو بفيروس كورونا المستجد.

وقال رفيقي، الملقب ب”أبو حفص”، أنه شك، قبل ما يدير التحاليل، فأصابتو بالفيروس، بعدما فقد بشكل كلي حاسة الشم هذي ثلاث أيام، وهذشي علاش بادر بإجراء التحاليل المخبرية اللي طلعو النتائج ديالها صباح اليوم الجمعة إيجابية.

وزاد الباحث كيقول، فتصريحو ل”كود”، أنه كيحس بواحد العياء كبير، وجاه إسهال حاد، ودابا كيتلقى العلاج ديالو حسب البروتوكول العلاجي لوزارة الصحة فالمنزل ديالو، وساد عليه فبيت معزول.

وكشف رفيقي أو أكثر حاجة مبرزطاه هي الخوف من إصابة ناس خرين ماعندهومش مناعة، ويتسبب ليهم فأدى كبير، كذلك خايف على الأسرة ديالو الصغيرة اللي مازال افرادها ماداروش التحاليل لحد الآن.

وهذ النهار كشف الباحث على المرض ديالة فتدوينة ليه على حسابو على موقع التواصل الاجتماعي “فيسبوك”، بحيث قال: “تأكدات إصابتي بفيروس كورونا، خضعت للفحوص والبوتوكول الصحي بمستشفى مولاي يوسف… تلقيت جوج اتصالات من وزارة الصحة للاطمنان…”

وكشف أنه مخلوع على عائلتو ومخربق بسبب إصابتو، “الضغط النفسي والخوف من إصابة الأسرة هو  اكثر حاجة دايرة لي إرهاق… دعواتكم والله يحميكم من كل شر ومرض”، على حساب هضرتو.