الرئيسية > تبركيك > رسميا.. أمال صقر ومسلم تزوجو يوماين بعدما ضربات ليه الطر مراتو فيوتوب
06/12/2019 16:00 تبركيك

رسميا.. أمال صقر ومسلم تزوجو يوماين بعدما ضربات ليه الطر مراتو فيوتوب

رسميا.. أمال صقر ومسلم تزوجو يوماين بعدما ضربات ليه الطر مراتو فيوتوب

نجوى المالحي-كود//

يوماين من بعد الفيديو لي دارت طليقة الرابور “مسلم” وكشفات فيه علاقتو بالممثلة والمنشطة أمال صقر، علمت “كود” من مصدر مطلع أنهما تقدمو نهار الأربعاء للمحكمة الابتدائية في طنجة وطلبو إذن الزواج.

وكشف مصدر “كود” أنه في نفس النهار أمال صقر ومسلم مشاو عند عدول سميتو مروان في حي خوصافات بطنجة وكتبو العقد، ودابا هوما مزوجين ضاربين الكحل في البيض.

القصة كاملة بدات هادي جوج سيمانات، في الأول خرجات اشاعة الزواج والارتباط وهادشي نفاوه هوما ببوسطات في انسكَرام، وهاد السيمانة خرج فيديو ديال طليقتو ضربات لهم فيه الطر ديال بصح وولاو هوما حديث الناس في الانترنت وحتى في الواقع.

الخطوة لي دار الرابور والممثلة هي باش يحبسو من القيل والقال، ولي يطولوه يقصروه وعوض يبقاو يقولو حبيبتو ومصاحب معاها، دابا مراتو ويسد الموضوع.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه