كود الصويرة//

تشهرات الصويرة بتواجد موسيقى الشارع، وهي الظاهرة لي انتشرت في مدن أخرى كالرباط وكازا وغيرها من المدن الكبرى.

تقول سلوى واحد وعشرين سنة، جيت من تازة باش نغني فالصويرة، لأن الشارع تيعطيني حرية أكثر من الأماكن الخاصة، والهدف من الموسيقى هو نشوفو الفرحة فعين الجمهور، وهنا في الصويرة كلشي تيسمع لينا صغار وكبار اجانب وداخلين.

مدينة الرياح تعرفات منذ القدم بالتنوع الثقافي والتعايش الديني، هدشي لي خلاها مسرح مفتوح للمغنين والعازفين لي أصبح عندهم جمهور واسع.

يضيف محمد المنور عازف بالصويرة، كنا تنتمزكو غي فدار وفكرنا نخرجو لزنقة ماشي على ود الفلوس بل على ود البليزير ديالنا.

ويأكد محمد خوجان عازف كيتار، أن الموسيقى بحر كل معطيتها تتعطيك.

يشبه علي العبوبي موسيقي بشارع الرباط سابق، الشارع بمسرح كبير يلا قديتي تنجح فيه اتقد تنجح فأي خشبة، ويضيف أن الموسيقى هي الحياة بالنسبة ليه، فهي اول حاجة لتجأ ليها من بعد الدراسة كعمل من بعد مكانت هواية، وتيعتبر لصويرة هي المدينة لي تيقد يرتاح فيها بحكم ان المدن الأخرى تيلقى فيها فن شارع تضييق من طرف السلطات.