الرئيسية > آراء > راه غير منطقي أن الدولة تحارب مواطنين كيبيعو الزطلة وهي منتوج وطني.. وفنفس الوقت تخلي مواطنين كيبيعو كلام الله وهو منتوج أجنبي ديال الجزيرة العربية
13/12/2018 11:00 آراء

راه غير منطقي أن الدولة تحارب مواطنين كيبيعو الزطلة وهي منتوج وطني.. وفنفس الوقت تخلي مواطنين كيبيعو كلام الله وهو منتوج أجنبي ديال الجزيرة العربية

راه غير منطقي أن الدولة تحارب مواطنين كيبيعو الزطلة وهي منتوج وطني.. وفنفس الوقت تخلي مواطنين كيبيعو كلام الله وهو منتوج أجنبي ديال الجزيرة العربية

محمد سقراط – كود//

أنك تطلع للجبل وتسوق الزطلة وتهبط تبيعها فمدينتك فهادي فنظر الدولة جريمة كتوصل عقوبتها لسنوات ديال الحبس، ولكن أنك تحل تكري برطمة وتدير فيها فراش وتدورو كاميرات وتسميه محل للرقية الشرعية ونتا كتقلش فيه الرجلين فهادي ماشي جريمة عند الدولة، ماحد الفيديوات مخرجوش وتاواحد ماتشكى وماناض لا صداع لا والو، غير ماتكونش كانبو وهانتا حرث الفول مع راسك وتخلص من لفوق وبخبار موالين الوقت، ومكاينش لي يقوليك شحال فالساعة، لحد الآن الرقاة ولاو فالمغرب كثر من الجنون ودايرين الفلوس من الخزعبلات.

راه غير منطقي أن الدولة تحارب مواطنين كيبيعو الزطلة وهي منتوج وطني، وفنفس الوقت تخلي مواطنين كيبيعو كلام الله وهو منتوج أجنبي ديال الجزيرة العربية، وكيستغلو الدين والقرآن فالنصب على الناس ونكحهم بإسم الرقية الشرعية، آشنو لي شرعي فواحد كيقرى على قرعة ديال لما ويبيعها ب 150 درهم، واخا يكون قاري عليها الأغاني للأصفهاني ماتسواش هاد الثمن، ووليتي تلقى عندهم منتوجات إستهلاكية بحال لما والعسل والعشوب كيتباعو بالضوبل ديال ثمنهم عشرين مرة وكثر غير حيت قاري عليهم، هذا راه نصب وإحتيال ومع ذلك خدامين على راسهم وكيبانو فالمواقع الإخبارية، وحاطين إشهاراتهم فالفايسبوك، ودايرين بلايكهم فالشارع، وماحالاتهم حالينهم بخبار المخزن، كالسين كيسلخو فيهم عباد الله وينيكوهم ويخرجو منهم الجنون ويدخلو حاجة خرى.

الشوافة والسحارة والفقيه هادو مهن مغربية أصيلة وعندهم تاريخ وجزء من الهوية ديالنا وكاينين فالتراث الشعبي، أما مهنة راقي شرعي هادشي دخلنا للمغرب مع السلفية والخوانجية والإرهاب، دابا لخوانجية دخلو للحكومة السلفيين الجهاديين دخلو للحبس، وبقاو هاد الرقاة ربح كالسين ينيكو فالشعب بإسم الدين، وكل مرة خارجين بفضيحة ومع ذلك عمرنا سمعنا شي حملة عليهم، كنسمعو الحملات غير على الفراشة والبياعة والشراية والخضارة وصحاب المهن المعيشية الدراوش، أما النصابة قاضيين غاراض ودايرن مابغاو.

موضوعات أخرى

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها

28/03/2024 01:00

هجوم موسكو الارهابي.. 95 شخص ما زال مفقودين وروسيا كتشكك فان داعش هي اللي دارت هاد الهجوم