فلقاء جمعو بأخنوش.. المدير العام لمنظمة الفاو كينوه بالتجربة المغربية فمجال الفلاحة والصناعات الغذائية(صور)
عفراء علوي محمدي- كود//
رد ألكسندر كَينسبوركَ، رئيس مركز اللقاحات “كَامالي”، وعضو أكاديمية العلوم الروسية، على العلماء والباحثين اللي استهزؤو من روسيا، ومن الرئيس الروسي فلاديمير بوتين، اللي زرب وسجل أو لقاح ضد فيروس كورونا فالعالم، واخا ماجربوش، ويقدر يكون خطير.
وقال كَينسبوركَ، فمقابلة ليه مع “روسيا 24″، أنهم كانو متوقعين هذ الموجة من الانتقادات، وكان غيكون من السداجة توقع العكس، حيت “هذ اللقاح حرم أشخاص كثار من الملايير من الدولارات، وبالتالي هذ الرد راه طبيعي جدا”.
وأكد العالم الروسي أن الفاكسان “آمن جدا ومسجل وفق جميع القوانين التشريعية الروسية”، وبالتالي كيشوف أن هذ الصراع “غير على قبل الفلوس، حيت مايمكنش الناس يستقبلو منتوج ديال المنافسين بالتصفيقات”.