الرئيسية > آش واقع > رئيس فرانسا كيهدد المغرب وموريتانيا والجزائر والسينگال وتونس: ايلى ما زيرتوش الهجرة السرية ما نبقاوش نعطيوكم الفيزات ومصدر لـ”كود”: كيخربق
21/11/2020 12:30 آش واقع

رئيس فرانسا كيهدد المغرب وموريتانيا والجزائر والسينگال وتونس: ايلى ما زيرتوش الهجرة السرية ما نبقاوش نعطيوكم الفيزات ومصدر لـ”كود”: كيخربق

رئيس فرانسا كيهدد المغرب وموريتانيا والجزائر والسينگال وتونس: ايلى ما زيرتوش الهجرة السرية ما نبقاوش نعطيوكم الفيزات ومصدر لـ”كود”: كيخربق

كود علي الصافي العيون ///

هادي ايام ناض ايمانويل ماكرون رئيس فرانسا قال باللي الفيزات غاديين يتحبسو على الدول اللي كتصدر الهجرة السرية. طبعا جمع كلشي ما فرقش بين دولة بحال المغرب اللي خدامة كثر من جهدها وبين الجزائر اللي ولات المصدر الاول للمهاجرين لاسبانيا عبر المتوسط ولا بينا وبين السينغال او مالي او دول افريقية اخرى.

مسؤول مغربي قال ل”كود” باللي غير كيخربق. اولا حقاش اوربا ما عندهاش استراتيجية مشتركة فهاد الملف وثانيا حتى الدول اللي كيدوزو منها المهاجرين او كيمشيو منها كتخدم بطريقة مختلفة. اي ما يمكنش دير كلشي فسلة وحدة.

استغرب مصدر “كود” ان الهجرة راها ظاهرة كونية انسانية وباللي اللي كيحصلو علي الفيزا شينكن راهم رجال اعمال او ناس عندهم مصالح فاوربا ماشي حراگة.

المصدر دعا عبر “كود” الى ميكانيزمات جديدة وتساءل كيفاش رجال اعمالهم كيسافرو بحرية وباغيين رجال اعمالنا فدول جنوب المتوسط يتعاقبو

المصدر هدر ل”كود” على التجربة المزيانة بين المغرب واسبانيا اللي هي “علاقة جيدة جدا” من 2004 وكاين تعاون مبني على الاحترام المتبادل وكاينين دوريات مشتركة وفرق ابحاث مشتركة ومحاربة للجريمة العابرة للحدود.

موضوعات أخرى

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون