دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه
يونس أفطيط – كود///
خوان خوسي امبرودا، رئيس حكومة مليلية المحتلة، هادي اكثر من شهر وهو منوض النحل على لمغاربة لي كيتولدو فمليلية وسبتة.
امبرودا باغي يبدل القانون الاسباني بخصوص الحصول على الجنسية، وهاد القانون كيعطي لأي طفل والديه ماشي اسبان تولد فأراضي إسبانية، ياخذ الجنسية بعد عام فقط، بشرط أنه يدوز ديك العام فالاراضي الاسبانية.
امبرودا خايف من هاد النقطة، وكيقول أن 60% من مواليد مليلية مغاربة، ويلا بقا القانون الحالي غادي يعمرو لمغاربة مليلية، هادشي علاش كيطالب بأن مليلية وسبتة يتم استثناءهم من البند 22.2 من القانون المدني لي كيعطي الحق للمغاربة المزدادين في مليلية بالمطالبة بالجنسية بعد عام على الولادة.
امبرودا لي تلاقى برئيس الحزب الشعبي “بابلو كاسادو”، وعده الاخير أنه غايطرح القضية للنقاش فالبرلمان، وغايتم المطالبة بتعديل القانون ويتزاد فيه استثناء سبتة ومليلية، لي خاص المولود فيهم من والدين أجنبيين، يدوز عشر سنوات فالاراضي الاسبانية عاد ياخذ الجنسية.