كود وجدة///

عبد النبي بعيوي رئيس جهة الشرق خسر دعوى قضائية لي ناضت المحكمة حفظتها، من بعد ما رفعها ضد فاعل جمعوي فوجدة، حقاش هاد الناشط مشى بارطاجا مقال نشراتو “كود”، حول بعيوي ملي جمع مستشاري الجهة الشرقية باش يضامنو معاه ضد القضاء، وهاد المستشارين رفضو.

طبعا بعيوي ماعجبوش الحال أن الناشط يبارطاجي المقال ومشا رفع عليه دعوى، حيث تحوز “كود”، نسخ المحاضر اللي دارت، وأكد فيها الناشط أنه ما سبع بعيوي ما هاجمو وأنه لا ينتمي لأي حزب، وكل ما قام به هو بارطاجا مقال لجريدة “كود”، على صفحته الشخصية بالفايسبوك، طبعا المحكمة ديال وجدة حفظات الشكاية ملي لقات هادشي مافيه والو.

وها المقال اللي بارطاجا الناشط:

بعيوي دار للمرة الثانية وليمة لمنتخبين الجهة الشرقية بعد الحكم عليه. والغالبية ماحضروش ليه