كريم الشركي-كود///

المكي الحنودي، رئيس الجماعة لي كل مرة كيخؤج بشي عجب جديد، منو دعوة الملك لزيارة الجماعة، ودعوة الاميرة للا سلمة تجي عندهوم والعديد من الخرجات ديال التصطية، زاد كسيرا شوية هاد المرة.

الحنودي لي هو ولد عم المعتقل الحراكي السابق لحبيب الحنودي، قال فتدوينة ليه :” سكان جماعة لوطا الأعزاء والعزيزات بصفتي رئيسا لجماعة لوطا وضابطا للشرطة الإدارية حسب القوانين والأنظمة الجاري بها العمل -وهذا هو الأصل- أرخص لكم بالتجول بتراب جماعة لوطا وارتياد المقاهي من الفطور إلى الساعة 11 ليلا خلال شهر رمضان ، مع الالتزام ببعض الإجراءات الإحترازية الضرورية . وبيننا وبين الحكومة المحكمة الإدارية المختصة .”

طبعا هو ماعارفش ان الشرطة الادارية مهمتها وقائية، وهي كادير التدخل قبل وقوع الجريمة، اما خلال وقوع الجريمة فالشرطة القضائية هي لي كادير خدمتها، وهاد الدعوة لي دارها بوحدها كتشكل جريمة الدعوة الى العصيان، ولكن المكي من ديما كايدير لهبال وماكيديو عليه لا سكان جماعة لوطا ولا السلطات، يالاه كينشط حسابو الفايسبوكي.