وكالات //

ختار ديكسيونير “ميريام وبستر” (Webster’s Dictionary) المريكاني “ڤاكسان” (Vaccine) باش تكون كلمة 2021.

وقال تقرير تنشر على سيت ديال الديكسيونير أن الفاكَسان ولى أكثر من مجرد دوا، وهي كلمة كتعني لبزاف الناس الرجوع للحياة اللي عاشوها قبل ما تبدا هاد الحريرة ديال كورونا.

شحال هادي كانت الكلمة كتعني “دوا كيعتامد على كائنات دقيقة ميتة أو حية لتطوير أو زيادة المناعة ديالنا”، لكن دابا نفس الكلمة (ڤاكسان) ولات كتعني بشكل مباشر “دوا كيدكَ بالبرا لتحفيز الاستجابة المناعية في الجسم”.

وتشير الأرقام الرسمية أن الاهتمام بكلمة “لقاح/ڤاكسان” تزاد في 2021 بنسبة 601 في المئة وبنسبة 1048 مقارنة مع 2019.