نجوى المالحي-كود//

كيف العادة، قدر الرابور المغربي عمر السهلي المشهور بديزي دروس يشد الطوندوس في اليوتوب المغربي، وهاد المرة بأغنيتو الجديدة “نوطة”.

الأغنية حنينة وكتدوي على الحب، وهو ستيل مختلف كليا على اصدارات ديزي دروس السابقة، وواخا هكاك قدر ينجح ويعجب المتتبعين، خصوصا بالعزف ديالو على البيانو.

المعلقين كتبو ليه “داكشي لي ريباتو منال بنشليخة، عاود بناه ديزي دروس”، ديزي تفاعل مع البوسط وقال ليهم “أنا مكالي عليكم آ دراري”.

كليب الأغنية لي بالتعاون مع الممثلة سارة بلريس، والممثل سعد موفق، وهو ساوندتراك ديال فيلم عنوانو “خلي قلبك يذوب”، حقق كثر من 3 مليون مشاهدة.