الرئيسية > آراء > دولة البام بتواطؤ مع الداخلية. علاش ما نديروش عصيان لقرارات الحكومة ونطالبو نكونو بحال رئيس التراكتور. دار تجمع كبير ولا تباعد لا سيدي زكري وكلشي خايف منو باش يطبقو القانون
04/08/2021 09:00 آراء

دولة البام بتواطؤ مع الداخلية. علاش ما نديروش عصيان لقرارات الحكومة ونطالبو نكونو بحال رئيس التراكتور. دار تجمع كبير ولا تباعد لا سيدي زكري وكلشي خايف منو باش يطبقو القانون

دولة البام بتواطؤ مع الداخلية. علاش ما نديروش عصيان لقرارات الحكومة ونطالبو نكونو بحال رئيس التراكتور. دار تجمع كبير ولا تباعد لا سيدي زكري وكلشي خايف منو باش يطبقو القانون

كود هناء ابو علي ///

الحكومة دارت بيان هادي يومين كتقول باللي غادي يكون تزيار ومن القرارات اللي دارت باللي ممنوع شي تجمع فيه اكثر من 25 شخص. فاول يوم من بداية تطبيق هاد الشي للي هو البارح لثلاث دار حزب التراكتور برئاسة امينو العام المحامي ورجل القانون عبد اللطيف وهبي تجمع فزاكورة كانت القاعة فيه عامرة. ماشي غير فايتين بزاف 25 شخص واللا ما كاينش التباعد. شي لاصق فشي كيف كتبين الصور.

دابا هادا رجل قانون وسياسي كيعطي القدوة للمغاربة على التفاعل مع قرارات الحكومة. هادا راه زعيم حزب مرشح للانتخابات وهو ضد تطبيق اجراءات حماية للمغاربة من انتقال هاد الڤيروس.

ما مسوق حتى لشي حد والداخلية متواطئة معاه وداعماه باش دارت عين الميكا. شفنا فالرباط مطاعم غير فاتت التسعود واخا مخبيين٬ وقفات عليهم السلطات وطبقو عليهم القانون.


دابا علاش غير هاد الحزب لا فوجدة لا فغيرها كيحتارم القانون. لا تباعد لا كمايم لا احترام العدد المسموح بيه. غير تقول لينا الداخلية طبقو القانون على كلشي الا التراكتور ونفهمو. مسيرة ولد زروال ما كلاتش ف2016 ودابا راها حتى حاجة ما غادية تاكل مع هاد الحزب “الوافد الجديد” كيف سماه ادريس لشكر الكاتب الاول للاتحاد الاشتراكي واحد النهار. خطيئة الولادة تابعاكم تابعاكم.

دابا غير تحملو مسؤولية عدم تطبيقهم للقانون وتعريض حياة مغاربة للخطر بسباب هاد التصرفات اللي دارتوها فزاكورة

لمغاربة من حقهم اليوم يخرجو فعصيان عام ضد قرارات الحكومة. ايلى قالت ليهم شي حاجة يردو عليها: ديرو معانا كيف درتو مع البام ومع زعيمو وهبي

موضوعات أخرى

29/03/2024 13:00

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم