كود الرباط//

من بعد الفيديو لي صوراتو أستاذة داخل إحدى الوحدات المدرسية بإقليم سيدي قاسم لي دار ضجة، بسبب الوضعية المكفسة ديال القسم، خرجات الوزارة ببلاغ يفيد أن الأقسام تعوضات بأقسام من النوع المفكك بالصلب، وكانت واجدة في وقت الدخول المدرسي عكس ما جا في  الفيديو.

دوزيم مشات للمدرسة و عرات على الواقع… الأساتذة مابغاوش يهضرو والمدير قال نفس كلام الوزارة، بينما الساكنة قالو أن المدرسة كانت زوينة لكن فهاد السنوات الاخيرة رابت وتشققات ومن بعد ما تنشر الفيديو، خافو من التفتيشية، وجاو بين العشا والمغرب وقادوها.