الرئيسية > آراء > دفاعا عن البنت لي كاتغني فالفيديو : واش حنا عايشين فالقرون الوسطى باش يبقى بنادم كايتشد ويدوز الحبس حيت مارس الجنس ؟! علاش المغرب غادي مزيان فالاقتصاد ها التيجيفي ها الموروكومول ها كازا فايننس سيتي و التصاور و كدا! و الجانب الاجتماعي عندنا مازال حاكمينو قوانين ديال الشيشان ! حشومة!
13/01/2021 15:00 آراء

دفاعا عن البنت لي كاتغني فالفيديو : واش حنا عايشين فالقرون الوسطى باش يبقى بنادم كايتشد ويدوز الحبس حيت مارس الجنس ؟! علاش المغرب غادي مزيان فالاقتصاد ها التيجيفي ها الموروكومول ها كازا فايننس سيتي و التصاور و كدا! و الجانب الاجتماعي عندنا مازال حاكمينو قوانين ديال الشيشان ! حشومة!

دفاعا عن البنت لي كاتغني فالفيديو : واش حنا عايشين فالقرون الوسطى باش يبقى بنادم كايتشد ويدوز الحبس حيت مارس الجنس ؟! علاش المغرب غادي مزيان فالاقتصاد ها التيجيفي ها الموروكومول ها كازا فايننس سيتي و التصاور و كدا! و الجانب الاجتماعي عندنا مازال حاكمينو قوانين ديال الشيشان ! حشومة!

سهام البارودي – كود//

-الزمن 2021
-المكان وسائل التواصل الاجتماعي
-البلد: المغرب

انا كيفاش كانشوف المغرب و كيفاش عزيز عليا نشوف المغرب كمواطنة مغربية كايجيني حشومة بزاف انه ف 2021 نبقاو محسوبين على البلدان لي كاتقمع حريات المواطنين ديالها ! نبقاو محسوبين مع شيشان و افغانستان و باكستان !

اي واحد عاش فالمغرب فهاد العشرين سنة لي فاتت غادي يشهد بلي بصح المغرب كايشهد واحد النماء اقتصادي ( ماشي شي حاجة خارقة للعادة ) و لكن المستوى المعيشي لبزاف د الاسر المغربية تحسن و المشاريع كاينة و حنا مقاتلين مع الزمان ! المغرب بغاو ليه ماليه انه يكون ” قاطرة افريقيا” ! انه يكون بلاد التيجيفي و الموروكومول و كازا فايننس سيتي و و و ! بالرغم من انه ماعندناش شي امكانيات طبيعية هائلة ! و هادشي لي كان ! اليوم المغرب طور بزاف د القطاعات اقتصادية من لايرونوتيك تال السيارات و الادوية و و و … و مع اعادة العلاقات مع اسرائيل اكيد هادشي غايدخل علينا مبارك و مسعود ! ولكن للاسف قدام السرعة باش كاتتحرك الدولة فالاقتصاد ( ماشي شي سوووورعة عاوتاني)ماشي هي نفس السرعة باش كاتتحرك القوانين كاين واحد الديكالاج مقود مع القوانين لي كاتحكم العلاقات فالمجتمع ! كيف يعقل انه ف2021 فالوقت لي الانسان كايتمتع بالحريات ديالو فاغلب الدول العظمى مازال عندنا فالمغرب حاجة بسيطة فحال ممارسة الجنس كايعاقب عليها القانون ؟ ايه شفنا طفرة من ناحية القوانين فاش جا محمد السادس للحكم و جاب معاه المدونة لي كانت فرصة لتغيير العقليات و اعطاء المرأة حقوق اكثر ! و لكن راه عشرين عام دازت على المدونة و حتى حاجة جديدة ماطرات ! المغرب مازال فيه الناس كايتشدو فالحبس على تهم غبية و متجاوزة يا دين الرب فحال تاكل رمضان، تحوي خارج اطار الزواج، تكون مثلي ….هادا راه ديكالاج مقودة مع الصورة لي باغا الدولة تروجها على المغرب كبلد حداثي موديرن يضرب بيه المثل فافريقيا.

واش الدولة مسالية راسها تقابل ترامي عباد الله ؟!
واش مازال مابغينا نلوحو هاد القوانين القروسطية فالزبل و نقطعو مع هاد العقلية ؟!

حيت راه كايبقا منظر مضحك انك كمغربي تسالي الخدمة ديالك فكازا فايننس سيتي مع الستة د العشية و تاخد الطرامواي مع السبعة و تمشي تشرب كاس فبار حدا الموروكومول مع الثمنية نتا و صاحبتك و مع التسعود فاش تكونو خارجين يوقفوكم البوليس باش يسولوك ” شكون هادي لي معاك و اش كادير معاك ؟” ديكالاج مقود !  فحالا سافرتي عبر الزمن من 2021 للقرن جوج !

هادشي كانقولو حيت من المجحف انه تشد بنت حيت تصورات ففيديو جنسي مع صاحبها ! غاضرب الحبس على تهمة اصلا ماخاصهاش تكون ! شفرات ؟ قتلات؟ دات لشي واحد ديالو ؟! اختالسات ؟! زورات ؟! لا ! السيدة مارسات حقها الطبيعي فممارسة الجنس مع الشريك ديالها فنطاق الحياة الخاصة ديالهم ! بالمقابل لي خاصو يتشد هوا لي سرب الفيديو و يتتابع بتهمة التشهير.

موضوعات أخرى

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة