كود الرباط ////

تقييم جديد لمنظومتنا التعليمية. هاد التقييم جا بعد الاعلان عن نتائج البرنامج الدولي لتقييم التلاميذ اللي معروف باسم “بيسا” واللي كتوجدو منظمة التعاون والتنمية الاقتصادية. فالمغرب جا فالترتبة 75 من بين 79 دولة اي جا فاخر المراتب.

بيسا كيقيم اداء المنظومات التربوية دوليا عن طريق رصد اداء تلاميذ عندهم 15 عام فالقراءة والرياضيات والعلوم فعام 2018. المغرب ما جابش المعدل فهاد الشي لا فالقراءة لا فالرياضيات لا فالعلوم. هاد الدراسة فيها عينة من 600 الف تلميذ من 79 دولة. منهم ش6814 تلميذ من الثانوي الاعدادي والثانوي التأهيلي.

فالمات لمغاربة جابو 368 نقطة في حين ان المعدل هو 489 نقطة. الشينوا جاو فالرتبة الاولى ب591 نقطة. المغرب كان قريب من اخر رتبة جابتها جمهورية الدومينيك اللي هي 323 نقطة.

فالقراءة المغرب كان فالصفوف الاخيرة. جاب 359 نقطة قريب من الفيليبين اللي جابت اخر رتبة ب340 نقطة. باش تعرفو فين حنا يكفي نقولو ان الصين جا فالرتبة الاولى ب555 نقطة. فالعلوم المغرب جاب 377 نقطة بعيد على المعدل المتوسط اللي هو 489 نقطة وكان قريب من الدومينيكان اللي جابت 336 نقطة

اذن المغرب مكحلها فكلشي. هاد الدراسة بينات ان الوسط الاجتماعي الاقتصادي ماشي ديما محدد لنتائج التلميد. فالمغرب كانت مفاجأة باللي 13 بالمائة مقودة عليهم وعايشين فبلايص فقيرة جابو معدلات عالية فالقراءة وصلات ل13 بالمائة. هاد النسبة كانت فشي دول مرقعة بالله ف11 بالمائة.