الرئيسية > تبركيك > دراسة جديدة فـ كوريا الجنوبية على الجيل الجديد: مامسوقينش للزواج والولاد وماكايبقاوش لاصقين فـ خدمة وحدة
05/08/2021 00:00 تبركيك

دراسة جديدة فـ كوريا الجنوبية على الجيل الجديد: مامسوقينش للزواج والولاد وماكايبقاوش لاصقين فـ خدمة وحدة

دراسة جديدة فـ كوريا الجنوبية على الجيل الجديد: مامسوقينش للزواج والولاد وماكايبقاوش لاصقين فـ خدمة وحدة

كود – وكالات //

ذكرات حكومة سيول أن جيل “الألفية” وجيل “الإنترنت”، أو اللي كايرمزو ليهم فكوريا الجنوبية بـ جينيراسيون “MZ”، وصل العام اللي فات لـ35.5 فالمية من سكان العاصمة سيول.

جيل الألفية كايتعلق بالمواليد بين عامي 1981 و1995، بينما جيل “Z” هوما اللي مزيودين بين 1996 و2005.

وكشفات وكالة أنباء “يونهاب” بأن جيل الأنترنت فـ سيول كايعطي أولوية أقل للزواج وإنجاب الأطفال بالمقارنة لباقي السكان، وكايعطي أولوية أكبر لوقت الفراغ على الخدمة.

وفاش توجه ليهم سؤال على ضرورة الزواج والأطفال، تعطات لجيل “MZ” درجات 4.46 و4.22 على التوالي من 10 بحد أقصى، بينما كانت الدرجات لعامة السكان عامة 5.33 و5.27 على التوالي.

وبخصوص تفضيل المزيد من وقت الفراغ على العمل أكثر والدخل الأكبر، جاوب جيل “MZ” برصيد 6.70، بينما تعطى لعامة السكان رصيد 6.36.

وكشفات الدراسة أن أفراد جيل الألفية والجيل “Z” أكثر عرضة باش يبدلو خداميهم إيلا لقاو وظيفة حسن، بمستوى 7.14 نقطة، مقارنة بـ6.67 نقطة بين عامة السكان.

وكاين عند جيل “MZ” حظوظ أكبر فالتنقل بين الطبقات الاجتماعية، وعندهم 4.74 نقطة فهادشي، مقارنة بـ4.38 نقطة بين عامة السكان.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري