24/04/2024 23:00
هادي خبار زينة.. أسماء المدير مخرجة “كذب أبيض” فلجنة تحكيم مهرجان كان العالمي
وكالات //
دب صعر و تنيرڤا و هاجم المدربين ديالو ثلاثة ديال المرات وسط السيرك المتنقل “هارليكوين” (Harlequin) في مدينة بيريزوفسكي، في مقاطعة كيميروفو في سيبيريا بروسيا.
بعض المشاهدين من الزوار، وثقو هاد اللحظات بتلفوناتهم، وبان الدب تلاح على مدربة بعدما شدها من رجلها ولاحها في الأرض.
من بعد المرا هاجم مدرب ثاني قبل ما يشنق عليه واحد مدرب ثالث ويحبسو.
من بعد هادشي حاول يهاجم المدربة عوتاني وتدخلو الناس اللي خدامين في السيرك باش كالماوه.
والسيرك كمل عادي من بعد اللي وقع والأمور واخا هاكاك كانت تحت السيطرة.
وهاد الحادث رجع النقاش حول “الفائدة” من استعمال الحيوانات، خصوصا البرية، في أنشطة بحال هادي ديال السيرك، اللي فيه استغلال كبير لهاد الحيوانات واللي نايض عليه الصداع بزاف من عدد ديال الجمعيات و المنظمات اللي مهتمة بحقوق هاد الكائنات.
