كود أسماء غربي///

واحد المغربي بغا يدير فيها قوالبي ويفلت من العقاب بسباب عدم حيازته لرخصة سياقة.

السيد لي خدام بائع متجول فمنطقة صقلية دار كسيدا بسيارة فاركونيط تقلبات بيه هو وصاحبو وملي جاو الناس نقذوهوم هو هرب وفالتالي صاحبو قال لعناصر الشرطة أن السائق مشا يجيب رافعة باش تقلب ليه السيارة.

بعد ساعة رجع واحد المغربي اخر وادعى أنه هو السائق وسولوه البوليس علاش هربتي السيد تفعفع ومابقاش عارف اش يقول خصوصا ملي قالو ليه البوليس راه نقدرو نتابعوك بتهمة الفرار، ديك الساعة قاليهوم ماشي انا الشيفور راه صاحبي.

الشرطة استجوبت السائق الحقيقي والاخير اعترف أنه ترك مكان الحادث بسبب عدم حيازته لرخصة السياقة وانه كان لسنوات يقود سيارته في ايطاليا دون ان تكون لديه رخصة.