كود احمد الطيب الرباط ///

عبد الاله بنكيران قالها وقد بيها. سبق فوثيقة نشراتها “كود” وضح باللي ايلى داز مشروع قانون الكيف غادي يجمد عضويتو ولا تصوت عليه فالبرلمان من قبل حزبو غادي يخرج من الحزب كاع. المحطة الاولى دارت اليوم. ماشي غير جمد عضويتو بعد تصويت المجلس الحكومي على القانون المذكور بل اعلن انو قطع علاقتو نهائيا مع كل من العثماني والداودي والرميد وامكراز والرباح.

علاش غير هاد الاسماء؟ وفق ما علمته “كود” حقاش بنكيران كيعتابرهم مسؤولين على تمرير القانون والدفاع عليه. طبعا وزراء فالحكومة اي الرميد والرباح وامكراز دافعو عليه والداودي خرج فالصحف كيدافع وبنعرفة حقاش زارو هادي يومين وقال ليك بنكيران ما خاصش هاداك القانون يدوز وبعد اقل من ثلاثة ايام داز القانون.

هاد الشي اعتابرو بنكيران طعنة اقوى من طعنة التخلي عليه فتشكيل الحكومة.