نجوى المالحي – كود //

كشفات الفنانة خولة بنعمران أنها رفضات تقدم برنامج “لالة العروسة” لي كيدوز في القناة الأولى، بسبب الكاشي ديال الفلوس لي جاها قليل مقارنة بالتجربة والشهرة ديالها.

خولة بنعمران قالت أنها تستاهل الكاشي لي طلباتو ولكن إنتاج البرنامج رفضوه ليها، وقررو أنهم يعوضوها بالممثلة هدى الريحاني لي غادي تقدم النسخة الـ15 من “لالة العروسة” .

خولة بنعمران من نهار خرجات من برنامج “ستار أكاديمي” قبل سنوات، فضلات تشتغل بريتم ثقيل حتى ولا منعدم، ولحدود الساعة ما دارت حتى عمل فني مهم.