عفراء علوي محمدي – كود //

فتصريحها للصحافة بعض الحكم على راجلها ب5 سنوات ديال الحبس النافذ، قالت مرات الصحافي سليمان الريسوني، خلود المختاري، أنها كانت كتعتاقد أن القضاء سيحل مشكلة كبيرة وينتصر للقيم الانسانية، واللي كاتثمتل فحياة الريسوني، المضرب عن الطعام ل92 يوم.

وشكرات المختاري واليديها وعائلتها، حيت صبرو معاها ف”التكرفيص اللي تكرفصات” حسب قولها، و”التشهير” اللي تعرضات ليه وقلة الحيلة أمام التجبر.

وقالت مرات الريسوني لراجلها: “اصبر وكابر واصمد.. اصمد”

وختمات “سأبقى وحيدة أواجه هذا القدر، سواء بقى سليمان قيد الحياة أم لا”.

وحكمات المحكمة على الريسوني ابتدائيا، اليوم الجمعة، ب5 سنين ديال الحبس، وتعويض للطرف المدني ب10 مليون سنتيم.

وها الفيديو ديال تصريح خلود المختاري للصحافة من بعد النطق بالحكم على راجلها سليمان الريسوني:

https://fb.watch/v/2TjojPgbF/