كود كازا//

البارح Tf1 طاحت في خطأ خلال البث المباشر ديال اختيار ملكة جمال فرنسا لعام 2019.

في الدقايق الأولى من عمر البرنامج، دارو دوبليكس من داخل الكواليس لي كانو فيها المتسابقات كيوجدو باش يخرجو، والكاميرامان لونسا Rec وبانو البزازل مشتتين، قبل ما يدارك المخرج الأمر، ويقطع لقطة.

هادشي نوض حالة في فرنسا، والصحافة انتقدت اللامهنية ديال القناة، لي دارت تشهير للمتسابقات، ورجع للأذهان شنو وقع في 2007 ملي ناضت بوليميك على شي صور جريئة ديال ملكة الجمال، لأن المسابقة كتمنع صور العرا.

ومن بعد شي ساعتين، تم الاعلان على الفائزة من بين 30 مرشحة، لي هي فايمالاما تشافيز، واللي كانو كيعيطو عليها فصغرها “الوحش”.