وكالات //

هادي شهر تقريبا بدات المغنية العالمية بريتني سبيرز معركتها الكبيرة مع المحكمة باش تدير حد للوصاية اللي مفروضة عليها سنوات طويلة من طرف باها.

البارح الأربعاء فـ لوس أنجلوس، القاضية بريندا پيني (Brenda Penny) قررات أن المغنية ولى عندها الحق تختار المحامي اللي بغات باش يدافع عليها في المحكمة.

بريتني بغات تحيد الوصاية من باها وناوية تمشي فهاد المعركة بعيد ووجهات الإتهام ليه بأنه أساء استغلال الوصاية وأنها متضررة بزاف من هادشي.

ومن 2008 وباها مسؤول عليها بعدما كانت مرضات نفسيا وخرجات أوضاعها على السيطرة.

ومعلوم أن هادي 2 سيمانات تقريبا باش المحكمة رفضات الطلب اللول ديال بريتني من أجل رفع الوصاية عليها.. لكن المغنية، من بعد هاد القرار، يبدو أنها مزال ناوية تعاود تحرك الضوصي وتبدا معركة جديدة باش تحيد الوصاية المفروضة عليها.