25/04/2024 22:30
ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة
كود – عن The Japan Times//
قالت صحيفة The Japan Times، ان مجموعة علماء من “معهد طوكيو للعلوم الطبية”، خدامة على لقاح ضد فيروس كورونا يمكن يحمي الإنسان من هاد الفيروس طوال الحياة.
وحسب الصحيفة اليبانية، تقدر تبدا التجارب السريرية ف2023.
واعتمدت المجموعة، اللي كيقودها البروفيسور ميتينوري كوهارا، اللقاح المضاد للجدري اللي صممو الطبيب البريطاني إدوارد جينر فالقرن 18، كأساس لعملها.
وبينات التجارب اللي تدارت على الفيران باستخدام فيروس اللقاح المأشوب اللي كيشفر جين إنفلونزا الطيور، مستويات عالية من الأجسام المضادة دامت كثر من 20 شهر. وبقات الفيران اللي تعطاها اللقاح عايشة، ومن بعد 20 شهر نقلولها عدوى إنفلونزا الطيور.
وقال البروفيسور كوهارا للصحيفة: “اختابرت تقنيات لقاحات مختلفة منها لقاحات الفيروس الغدي والـ RNA ، ولكن ثبت أن اللقاح المأشوب لفيروس الجدري، هو الأقوى بينها”.
ووفقا له، الآثار الجانبية لهاد اللقاح، قليلة وماكيحتاج وسائل نقل وتخزين خاصة.
وكيقولو ان شركة الأدوية اليابانية Nobelpharma، كتعتزم تنفيذ المرحلتين الأولى والثانية من التجارب السريرية للقاح كوهارا، فالنصف الأول من عام 2023.
