مصطفى الشاذلي – كود سبور//
وحيد خاليلوزيتش، مدرب المنتخب المغربي، محملش يدور بجنبو طبيب الماكلا نبيل العياشي، لي عيناتو الجامعة من شحال هادي.
مصادر “كود” أكدت أن خاليلوزيتش ماكانش راضي على وجود هاد الطبيب بطاقمه، هاداكش علاش انتظر حتى الماتش ديال النيجر في مراكش باش يجري عليه.
لكن لي قلق خاليلوزيتش بزاف، حسب مصدر “كود”، هو أن العياشي جاب الماكلا في الفيستيير باش يعطيها اللعابة بين الشوطين، وهي عبارة عن مقويات.
المدرب البوسني ما عقلش على العياشي وجرا عليه قدام اللعابة، وربما غادي يغادر المنتخب الأول رسميا ويقدر تشوفلو الجامعة شي بوست مع منتخب اخر.
المشكل ٱش كايدير هاد الطبيب مع المنتخب واش مهمتو فقط يعطي الماكلا للغاية بين الشوطين وينصحهم ٱش ياكلو ولي مخاصش يأكلوه مقابل صالير مزيان وبريمات. والله حتا عاد شي غريب.
