وكالات //

ختار راجل ميريكاني أنه يضرب الطم لمدة 10 سنين بعدما ربح 55 مليون دولار في القمار.

الراجل اللي عندو دابا 67 عام، حسب الجورنال البريطاني “The Mirror”، كان خايف الناس يبداو يتسلفو من عندو داكشي علاش فضل يسكت، ثم أنه عندو غير ختو وحدة وماعندوش معاها وماكيحملش راجلها، وبقا هطا عازل راسو و محتافظ ب”سر” الربحة غير لراسو.

الفلوس اللي ربح شرا منها طوموبيل ودار وقال لعائلتو أنها غير كريدي، وما تبقى ديال الفلوس خباهم، وقال أنه ماتبرعش للجمعيات ولا حتى حاجة من ديك الهضرة اللي كايقولوها بزاف ديال الناس.