تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها
كود كازا ///
واش المغرب لعب دور حاسم فاحباط الانقلاب العسكري اللي فشل فالغابون اول صباح امس الاثنين 7 يناير 2019. هاد الشي قالتو “ماگريب انتليجانت” واكدو مصدر ل”كود”.
هاد الانقلاب وفق مصدر “كود” كان غير فعلة ديال المراهقين “باش ينجح انقلاب فدولة بحال الگابون خاص مواقفة فرنسا اولا ثم امريكا. هاد الانقلابيين ما خداو رأي لا هادو لا دوك، راهم غير حالمين ودارو تقميرة خسرو فيها”
مصدر “كود” اكد ان المغاربة عندهم حضور كبير فتأمين المطارات والمواقع الحكومية والسيادية بهاد الدولة الصديقة.
هاد الشي علاش تقلقات جزء من المعارضة المقيمة بباريس. قلال اييه ولكن دارو احتجاج وباش يضربو المغرب جبدو البوليساريو فشعاراتم “شوفو الصورة”.
هاد الشي ديال الحضور المغربي كيفسر علاش الملك محمد السادس مازال فهاد الدولة. دوز فيها راس العام مع العائلة وما قطعش الرحلة ديالو واخا الانقلاب. رئيسها علي بانغو عايش فالمغرب وجاوه كاع الوزرا ديالو للمستشفى العسكري اللي كيعالج فيه بعد اصابته بجلطة فالسعودية.