كود الرباط//
علمت “كود” من مصدر موثوق، أن أسماء أغلالو عمدة الرباط، قررت بشكل رجعة فيه، محاربة ريع الأملاك الجماعية، إضافة إلى حملتها المنظمة ضد التهرب من أداء الإتاوات والكراء واستغلال الملك العمومي من طرف المطاعم والمقاهي بمختلف أحياء مدينة الرباط.
وحسب مصدر “كود” فإن اغلالو قررت وقف ريع الفيلات لي فوتاتهم المجالس السابق بثمن بخس، حيث كراو ديور وفيلات بـ50 درهم تال 80 درهم فالشهر.
الفيلات تكراو منذ سنين حسب جورنال الاخبار الصادر اليوم، وتعطاو لمسؤولين ونافذين. هاد الملف خدامة عليه العمدة.
وحسب مصدر “كود” كاينين فيلات فملك الجماعة فشارع 16 نونبر فحي أكدال تكراو بأثمنة قليلة بزاف، وتقريبا شي 5 فيلات.
مقرب من العمدة أغلالو قال لـ”كود” بلي هاد الفيلات لي فشارع 16 نونبر فأكادل غادي يتم تحويلهم لمركب إداري، وكاينا اقتراحات كثيرة ومنها يكون مقر إدارة الجماعة ومقر الشباك الوحيد لي غايكون مفتوح بشكل دائم.
“كود” تتبعات خدمة ديال العمدة اغلالو، لي من اجتماع مكتساليش، عمدة عطات حيوية للعاصمة، ولقات والي خدام وصارم. بحيث على سبيل المثال لا الحصر مسالاتش لبارح حتا لواحد الوقت بليل وكانت مريضة رغم ذلك حضرت اجتماعات وخدمات وكتبع جميع الملفات.
يشار بلي هاد الريع وقع قبل 2012، بحيث رغم أنه كان عجز ميزانية الجماعة الحضرية للرباط يصل أزيد من 7 مليارات سنتيم حسب ما كشف عنه تقرير الحساب الإداري برسم سنة 2012 إلا أن البلدية ما زالت تؤجر سبع فيلات بحي أكدال بمبلغ 60 درهم فقط.
وحسب ما كشف عنه حسن العمراني، والي سابق لجهة الرباط سلا زمور زعير خلال مناقشة الحساب الإداري الجماعة الحضرية لمدينة الرباط خلال سنة 2013، فإن هذه الفيلات التي توجد بشارع 16 نوفمبر بحي أكدال وتتراوح مساحتها ما بين 600 و 700 متر مربع، ليست الوحيدة التي تكترى بهذا الثمن الزهيد.
ماشي غير هادشي حتا محلات ومقاهي بمدينة العرفان تكراو بثمن بخس وماليها كيربح الملايير على ظهر الطلبة والاساتذة ديال الكليات والمعاهد.