كود الرباط//
الفراشة والباعة المتجولين كيساهمو في عرقلة السير العمومي بحي النهضة وسط العاصمة، كما أن التجار والمهنيين لي كيخلصو الضرائب كيتشكاو بزاف من هاد العرقلة لي كتسبب ليهم اضرار اقتصادية، حسب شهادات مواطنين وتجار لـ”كود”.
وحسب مصادر “كود” فإن رجال سلطة، متحركوش ضد هاد الفراشة والباعة المتجولين، واخا التجار ديما كيتشكاو.
ولم تستبعد مصادر “كود” وجود “شبهة” تواطؤ بين هاد رجال السلطة والباعة المتجولين، واخا هادشي ماشي مؤكد منو لكن محط تساؤلات من قبل المهنيين.
الطريق كتكون مزدحمة، والناس لي كادوز مع عائلتهم ووليداتهم، كتلقا مشاكل ف ديك الطريق، وهادشي وفق شهادات استقتها “كود” من المارين وكشفو بلي بأنه “خاص المصالح الولائية فالرباط تدخل وتنظم الباعة المتجولين وتحيد الفوضى وتحاسب كاع لي تسبب فيها من مسؤولين ورجال سلطة”.