تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش
كود كازا//
لونصات الجامعة المغربية لحقوق المستهلك حملة وطنية للتحسيس بخطورة التبذير ديال الماكلة، مع اقتراب شهر رمضان، تحت شعار “حسن تدبير المواد الغذائية مسؤولية الجميع”.
وبارطاجات الجامعة مجموعة من الملصقات التحسيسية اللي سيركيلاتهم على مواقع التواصل الاجتماعي، كتهم المواطنين من مدن مختلفة، حسب فروع الجامعة، ومن أبرز هذ الملصقات كاين نموذج ملصق القنيطرة والداخلة.
كذلك تداولات الجامعة ملصق فيه شيما للتسوق بذكاء كيساعد المستهلك على الالتزام بكمية محددة من المقتنيات الغذائية فشهر رمضان باش مايبذرش.
وفبلاغ ليها قالت الجامعة أن الحملة غدي تستهدف المستهلك من أجل تحسيسو بضرورة حماية حقوقو الاقتصادية والوقاية من الأمراض الناجمة عن التبذير ، الشي اللي كيأثر بالسلب على القدرة الشرائية والاقتصاد الوطني.
وكشفات الجامعة أن منظمة الزراعة والتغذية، التابعة للأمم المتحدة، أشارت فبيان ليها أن كل مغربي كيرمي سنويا 91 كيلوكَرام من الأطعمة فالقمامة، كيف كيعرف رمضان الدروة فالتبذير اليومي، بحيث كيترمى فيه الثلث ديال المواد العذائية الصالحة للاستهلاك، واللي كتوصل قيمتها ل500 درهم شهريا ل41,1 فالمية من الأسر.