16/04/2024 10:09
مسؤولية كبيرة قدام الطالبي العلمي للي مصر على تطبيق الدستور وابعاد البرلمانيين المتابعين فالفساد من المسؤولية: اليوم عندو اجتماع حاسم مع رؤساء الفرق على مناصب النيابات ورؤساء اللجان وكولشي كيستنا لاليست ديال البام
أسماء غربي -كود//
الكوميدي حمزة الفيلالي خدام مع دوزيم على برنامج إنساني غادي يدوز يوميا مباشرة قبل الفطور سميتو “زارتنا البركة”.
التبركيكة لي جابت “كود” هي أن طاقم البرنامج غادي يفاجئ 30 واحد من الناس لي كيدوزو رمضان بعاد على عائلاتهم وغادي يدخلو ويلقاو العائلة مجموعة كتسناهم.
البرنامج غادي يتسارا المغرب من طنجة للكويرة، وتدار كاستينكَ باش يختارو العائلات لي غادي تفاجئ الابناء ديالها لي ساكنين وخدامين او كيقراو بعيد.
البرنامج عندو سبونسور صحيح لي مكلف بجميع تفاصيل وكل عائلة كيعطيوها 2000 درهم باش يوجدو الفطور وكيخلصو ليهم مصاريف التنقل وحتى المبيت.
