نجوى المالحي-كود//
من بعد الصورة لي حطات طانزة فيها على صحاب الماكياج، خرجات حماقة، وهاد المرة باش تعاود تطنز عليهم ولكن بطريقة مباشرة.
حماقة دارت فيديو على حسابها في انستكَرام قالت فيه أنها لا علاقة بالماكياج، واضافت: ما كندير ضفران ما كنلصق الأنامل، ما كنسمع الطبطة.
حماقة جاوبت واحدة من المتتبعات ديالها، قالت ليها: أنا النهار كامل وأنا كنصيق ونقابل داري، ونطيب لراجلي، داكشي علاش ما باين فيا لا ماكياج لا كلبسات.